ကြမ်းခင်း လုပ်ငန်း (အပိုင်း ၄)

လိပ်သဲကျောက်ကြမ်းခင်းပြုလုပ်ပုံ

လိပ်သဲကျောက်ကြမ်းခင်းတွင် ရိုးရိုးဘိလပ်မြေနှင့် အရွယ်သေးလိပ်သဲကျောက်ဆန်ကွဲ သို့မဟုတ် အခြားသော မာကျောသည့်ကျောက်အမျိုးအစားများ ပါဝင်သည်။ သင့်လျော်သော ရေပမာဏကို လုံလောက်အောင် ထည့်ပေးရမည်။

        ပုံမှန်အားဖြင့် ဘိလပ်မြေ ၁-ဆတွင် လိပ်သဲကျောက်ဆကွဲအသေး ၂ ၁/၂ ဆဟူသော အချိုးအစားဖြင့် ရောစပ်ကြသည်။ အသုံးပြုသည့် ကျောက်ဆကွဲအရွယ်အစားမှာ ၁/၄↔နှင့် အောက်အရွယ်ဖြစ်ပြီး စတုရန်း ၁ပေတွင် အပေါက်နှစ်ရာရှိသော ဇကာကိုဖြတ်သော ကျောက်ဆန်တွဲပမာဏသည် ၂၀% ထက်မပိုစေရပေ။

အခြားအမျိုးအစား တစ်ခုမှာကား ဘိလပ်မြေ ၁-ဆ၊ သဲ ၁-ဆနှင့် ရောစာအသေး ၂-ဆ (ယင်းရောစာသည် စတုရန်း ၁-ပေတွင် အပေါက် ၁၀၀ ရှိသော ဆန်ခါကို ဖြတ်သန်းပြီး ဖုံမှုန့်များ မပါဝင်စေရ) ဖြစ်သည်။

လိပ်သဲကျောက်ကြမ်းခင်းကို ခင်းပြီးအနည်းဆုံး ၇ ရက်ကြာအောင် စိုစွတ်သောသဲ သို့မဟုတ် လွှစာမှုန့်အုပ်ထားခြင်းဖြင့် နှပ်ထားရမည်။

ကြမ်းခင်းအထူကို ၁လက်မမှ ၁ ၁/၂ လက်မ အထိခင်းနိုင်သည်။ သက်ရင့်ကြမ်းခင်းအောက် ခြေကွန်ကရစ်ပေါ်တွင်ခင်းလျှင် အထူကို ယင်းထက် အနည်းငယ်ပိုတိုး၍ ခင်းနိုင်သည်။

ကြမ်းခင်းသောအခါ သစ်သားတန်းများဖြင့် ၄’ × ၄’ အရွယ်ရှိ စတုရန်းကွက်ကလေးများ ပြုလုပ်ပြီး တစ်ကွက်ခြားစီ၍ ခင်းရသည်။

ကြမ်းခင်းအောက်ခြေသည် ကွန်ကရစ်အခင်းအသစ်ဖြစ်စေ၊ ကွန်ကရစ်အခင်းအဟောင်းဖြစ်စေ ဖြစ်နင်္ိုင်သည်။ ကွန်ကရစ်အခင်းအဟောင်းဖြစ်သော် ယင်းကို စည်းကပ်အား (Bond) ကောင်းမွန်စေရန် ရေဖြင့်ဆေးကြောပေးရမည်။ လိုအပ်ပါက မျက်နှာပြင်ကို ကြမ်းအောင် ပြုလုပ်ပေးရမည်။ ၃/၄” လက်မ အထူရှိ ဘိလပ်မြေနှင့်သဲ (၁း၃) သရွတ်ကို ကြမ်းခင်းအောက် ခြေပေါ်တွင်ခင်းရမည်။

အနည်းဆုံး အထူ၃/၈” ရှိ (၁း၁ ၁/၂) ဘိလပ်မြေနှင့် လိပ်သဲကျောက်ဆန်ကွဲ (အရွယ်ပမာဏမှာ ၁/၄” မှ အမှုန့်အထိ) အပေါ်လွှာကို သရွတ်လွှာခံ မခြောက်သွေ့မီတွင် ထိုအခံပေါ်၌ခင်း၍ စည်းကပ်အား (Bond) ကောင်းစေရန် ကောင်းမွန်စွာ ဖိသိပ်ရသည်။ ထိုအပေါ်လွှာကို မျဉ်းကိုက်ရေချိန် ကိုက်စေပြီး မျက်နှာပြင်အချောကိုင်ရမည်။ လိပ်သဲကျောက်ကြမ်းခင်းတွင် အရောင်ရှိသော ဘိလပ်မြေကို ထည့်သုံးနိုင်သည်။ မျက်နှာပြင်ချောမွေ့လွန်ခြင်း မဖြစ်စေရန်ရောစာအကြမ်းကို ထည့်သုံးနိုင်သည်။

ကြမ်းခင်းကို ၃-ရက်ခန့်နှပ်ထားပြီးသောအခါမှ ကြမ်းခင်းတိုင်စက် (Floor Polishing Machine) ဖြင့်သော်လည်းကောင်း၊ တာဘိုရမ်ဒမ်ကျောက်ဖြင့်သော်လည်းကောင်း လိပ်သဲကျောက် ဆန်ကွဲများပေါ်လွင်စေရန် ပွတ်တိုက်၍ အချောကိုင်ရမည်။ ကြမ်းခင်းကို စနစ်တကျ သေသပ်စွာခင်းထားပါက ဆောက်ဖြတ်ခြင်း( Chipping) ကွဲအက်ခြင်း၊ တိုက်စားခြင်း တို့ကို ခံနိုင်ရည်ရှိသော်လည်း မလိုလားအပ်သော ပစ္စည်းများပါဝင်လျှင် ဖုံထလွယ်သည်။ ဖုံမထစေရန် ကယ်လ်စီယမ်ကလိုရိုဒ်ဖျော်ရည် သို့မဟုတ် ဆိုဒီယမ်စီလီကိတ်ဖျော်ရည် သို့မဟုတ် အခြားသောမျက်နှာပြင်မာစေသည့် ပစ္စည်းများကို အသုံးပြုနိုင်သည်။ ကြမ်းခင်းသည် အက်စစ်အပျော့၊ တိရစ္ဆာန်အဆီနှင့် ဟင်းရွက်အဆီတို့စားခြင်းကို ခံနိုင်မှုမရှိသောကြောင့် ခံနိုင်ရည်မြင့်မားစေရန် အလူမီနီယမ်ဘိလပ်မြေ (Aluminium Cement) ကိုထည့်၍ သုံးနိုင်သည်။

ကြမ်းခင်းခြင်းပြုလုပ်ပြီး၍ ၁၄-ရက်ကြာလျှင်သော်လည်းကောင်း၊ ကာဘိုရမ်ဒမ်ကျောက်ဖြင့် တိုက်စားပြီးလျှင် သော်လည်းကောင်း ဆိုဒီယမ်စီလီတိတ် ၁-ဆနှင့် ရေ ၄-ဆပါဝင်သော ဆိုဒီယမ်စီလီတိတိဖျော်ရည် ပက်ဖြန်းပေးရမည်။ ၂၄-နာရီခြား၍ ဤကဲ့သို့နောက်ထပ် ၂-ကြိမ်ပြုလုပ်ပေးရမည်။ သတ်မှတ်ချက်မရှိပါက သရွတ်လွှာနှင့်အပေါ်လွှာတို့၏ စုစုပေါင်းအထူသည် ၁ ၁/၈’’ ဖြစ်ရမည်။

အုတ်ထောင်စီ၍ စီသောကြမ်းခင်းပြုလုပ်ပုံ

သတ်မှတ်ချက်

ဤကြမ်းခင်းမျိုးတွင် ထောင့်များသေသပ်ပြီး မီးညီညာစွာကျက်သော အထူးရွေးချယ်ထားသည့် ပထမတန်းစားအုတ်မျိုးကိုသာ အသုံးပြုရမည်။ ၄ ၁/၂’’ ထုရှိ ဘိလပ်မြေကွန်ကရစ် (၁း၎း၈) ပေါ်သို့အုတ်များကို ၄ ၁/၂’’ အထူထောင်၍ ဘိလပ်မြေ အင်္ဂတေနှင့်ခင်းရသည်။ ထို့နောက် မျက်နှာပြင်ဆက်ကြောင်းများကို (၁း၃) ဘိလပ်မြေအင်္ဂတေဖြင့် နှာသပ်ပေးရမည်။

အုတ်မြစ်အောက်ခြေတွင် ကွန်ကရစ်ခင်းနည်း

အုတ်မြစ်အောက်ခြေမြေသားကို ဒင်ဖြင့်နှံ့စပ်စွာထု၍ သိပ်သည်းအောင်ပြုလုပ်ရမည်။ မြေသားကို ညှိပေးခြင်းဖြင့် ကြမ်းခင်းတွင် အနိမ့်အမြင့် အဖုအထစ်တို့ကင်းပြီး ညီညာစွာရှိနေစေရမည်။ ပုံစံတွင် ဖေါ်ပြပါရှိသော ဆင်ခြေလျှောများ၊ ရေမြောင်းများစသည့်ပုံသဏ္ဍာန်တို့ကို ကြမ်းခင်းတွင် ပေါ်ပေါက်ဖြစ်လားစေရန် ကြမ်းခင်းတင်မြေသားကို လိုအပ်သလိုပြုပြင်ပေးရမည်။

အုတ်မြစ်အောက်ခြေ မြေသားပေါ်သို့ (၁း၎း၈) အချိုးအစား ဘိလပ်မြေကွန်ကရစ်ဖျော်စပ်ပြီး ၄ ၁/၂’’ အထူလောင်းရမည်။ နေရာအနှံ့ပြား ဒင်နှင့်ဆောင့်ပေးကာ မျက်နှာပြင်ညီညာအောင် ပြုလုပ်ရမည်။ ပုံစံတွင်ဖော်ပြထားသော ပုံသဏ္ဍာန်အနိမ့်အမြင့်အားလုံးကို ပေါ်လွင်အောင်ပြုလုပ်ပေးရမည်။

အုတ်စီသည့်အချိန်အထိ အောက်ခံကွန်ကရစ်ပေါ်တွင် လမ်းလျှောက်ခြင်း သို့မဟုတ် အခြားနည်းလမ်းဖြင့် ထိခိုက်ခြင်းမျိုးမရှိစေရ။ အောက်ခံကွန်ကရစ်ကို အမြဲတန်းစွတ်စိုနေစေရန် ရေပတ်ဖြန်းပေးရမည်။

အုတ်ထောင်၍ စီခင်းနည်း

အောက်ခံဘိလပ်မြေကွန်ကရစ်သည် အိပ်၍မာလာသောအခါ (၁း၃) ဘိလပ်မြေသရွတ် ၃/၄’’ အထူပေါ်တွင် အုတ်ကို ၄ ၁/၂’’ အထူ ထောင်လိုက်စီရမည်။

အုတ်များကို မခင်းမီ ယင်းတို့ကို သန့်ရှင်းသောရေ၌ ရေဝအောင် စိမ်ထားပေးရမည်။ အုတ်များကို ကိုင်တွယ်ရာတွင် ထောင့်စွန်းများ ကျိုးပဲ့မှုမဖြစ်အောင် သတိပြုရမည်။

အုတ်များညီညာစေရန် ဖိ၍စီရသည်။ ထောင်လိုက်အဆက်များကို ဘိလပ်မြေသရွတ်ဖြင့် နှံ့စပ်အောင် ဖြည့်ပေးရမည်။ အုတ်မျက်နှာပြင်ပေါ်သို့ ဘိလပ်မြေသရွတ်များ ပိုလျှံ၍ထွက်လာသောအခါ ထိုသရွတ်များ စွန်းမကျန်စေရန် ချက်ချင်းဖယ်ရှားရမည်။

အုတ်များကို ပုံစံတွင်ပြထားသည့်အတိုင်း မျက်နှာပြင်ညီညာစွာဖြစ်နေအောင်ခင်းရမည်။ သတ်မှတ်ချက်မရှိပါက လင်းမြွေရိုးဖော်စီနည်း သို့မဟုတ်ထိပ်ဆက်လွှဲ၍ မျဉ်းပြိုင်စီနည်းတို့ကို သုံး၍ အုတ်ကွက်ဖေါ်ပေးရမည်။

အုတ်များအကြားရှိအဆက်သည် ညီညာမှန်ကန်၍ မျဉ်းပြိုင်ဖြစ်နေစေရမည့်အပြင် အထူမှာလည်း ၃/၄’’ ထက်ပိုမထူစေရ။ သရိုးလတ်ဆက်နေစဉ် နှာဆက်အတွင်းသို့ ၃/၄’’ အနက်ရှိမြောင်းပေါ်အောင်ပြုလုပ်ပေးရမည်။ ယင်းကို (၁း၂) ဘိလပ်မြေသရွတ်ဖြင့် နှာသပ်ပေးရမည်။ အုတ်ကွက်ဖေါ်ခြင်းကို သပ်ယပ်စွာပြုလုပ်ပြီးသည်နှင့် အုတ်မျက်နှာပြင်ပေါ်ရှိ သရိုးကို ချက်ချင်းဖယ်ရှားပစ်ရမည်။

အုတ်စီခြင်းလုပ်ငန်း ပြီးစီး၍အနည်းဆုံး ၇-ရက်ကြာအောင် ထိုကြမ်းခင်းကို မာကြောကာ အသားသေစေရန်ထားရမည်။ ဤကာလတွင် ထိုကြမ်းခင်းပေါ်၌ လမ်းလျှောက်ခြင်း သို့မဟုတ် တစ်စုံတစ်ရာအသုံးပြုခြင်းမျိုး လုံးဝမပြုလုပ်ရပေ။ ဤကာလတွင် အမြဲတမ်းစွတ်စိုနေအောင် ရေဖြန်းပေးနေရမည်။